Friday, June 30, 2006

ميزو

اشتريت مجلة جديدة للأطفال اسمها ميزو.
وأنا عادة باحب أشتري المجلات الجديدة كنوع من التشجيع، والتعرف ع الأفكار الجديدة اللي بيقدمها الناس دي، خاصة ان صدور مجلة أطفال جديدة هو حدث لابد من الاحتفاء به لفقر وقلة هذا النوع من المجلات في بلدنا.
اتصدمت صدمة كبيرة لما فتحت المجلة,باختصار: كل القصص المرسومة مسروقة من مجلة ميكي، مع تغيير الأبطال طبعا من ميكي وبطوط إلى فلان وعلان. وفيه صفحتين عن حاجات علمية مسروقين بالنص والصور من عدد قديم من ميكي برضه، يعني حتى ما حاولوش ينوعوا مصادر السرقة، وبيسرقوا من أشهر مجلة أطفال موجودة ومن أعداد حديثة نسبيا. منتهى الغباء.
العدد يتكون من 36 صفحة، 12 صفحة مرسومة والباقي لا يمت لمجلات الأطفال بصلة، حاجات طبية على رياضة على شلل أطفال على كلام فاضي.الكارثة الحقيقية في الأخطاء اللغوية والإملائية الفادحة الموجودة في كل سطر من سطور المجلة. وده شيء فظيع جدا انك تعود عينين الأطفال على رؤية الخطأ، لأنه هيترسب في عقولهم بعد كده. ما حدش يعرف الفرق بين الذال والزاي، أو همزة الوصل والقطع، أو الهاء والتاء المربوطة. كاتبين عن الحضري انه "حارث مرمى". وسلسلة من الأخطاء الفادحة المماثلة اللي تدل على ان اللي عملوها مجموعة من راسبي الإعدادية.

12 comments:

jokerman said...

Michel
All kids mags are lousy. The best magazine ever for kids & adults in Egyot to this day was TinTin, which stopped sadly in the early 80's.
Tintin magazine, not tintin the belgian detective, which was very good too!!

Unknown said...

يا نهار إسود!الحضري حارث مرمى؟ هل أنت متأكد أنها ليست جملة مقصودة على أساس أن الحضري فلاح من كفر البطيخ، ولن تستبعد أن يحضر الفأس و"يحرث" المرمى..؟!هي كارثة قطعا، لكنها أكبر مما تبدو بكثير؛ أنا مدرس لغة عربية ورأيت كوارث لا تحتمل أكبر من "حراثة المرمى" وبحمد الله تخرج أصحاب هذه الكوارث من كلية التربية ليصبحوا مدرسين للغة العربية! الكارثة الأكبر أن هذا أصبح عاديا..

Michel Hanna said...

جوكر: ما عاصرتش المجلة اللي بتقول عليها. أنا أفضل ميكي على العموم.
فنان: المصايب أعظم وأكثر من كده، بس ده كان مجرد نموذج.

Veeeva said...

أنا مكنتش أعرف ان الأطفال بيقروا اليومين دول...كنت فاكراهم قاعدين يتفرجوا علي الفيديو كليب و أفلام محمد سعد

jokerman said...

Michel
If you searched well in the book fair, you would have found it, at the azbakya corner where they sell old books & magazines.
Mickey was a favourite of mine till i was 7 & discovered Tintin or Tantan in arabic.

jokerman said...

Still breathing
those who watch videos & sa3d films are mostly adults.

شريف محمد said...

ماسمعتش عن ميزو دي
انما موضوع السرقة والتكرار ولبس طاقية دة لدة ... والأخطاء الاملائية لاتتوقف ولن تتوقف أبدا سواء في كتب الأطفال أو الكبار
يبدو ان حنفية التجديد والابتكار في هذا البلد قد أغلقت لأجل غير مسمى

Mai Kamel said...

واضح انها مجلة مسخرة بكل المقاييس ده اذا استحقت لقب مجلة اصلا..
اعرفك يا د. ميشيل حنا وبقرالك احيانا..
يمكن والله اعلم اعمل مشروع تخرجي مجلة اطفال..
ساعتها هحطها سكانر وابعتهالك ع البلوج..
تحياتي
وعجبني البلوج بتاعك

Michel Hanna said...

مي: شكرا جزيلا، يا ريت كمان لو تحاولي تخرجي مجلتك دي للنور لأننا محتاجين فعلا لمجلات أطفال في مصر تكون من النوع الذي لا يصيب بالتخلف.

Adel said...

د ميشيل انت مستغرب ليه هو فيه اصلا عندنا غير الاستاذ الشاروني بيكتب للاطفال وما ينفعش يتسرق فبيسرقوا من الخوجات على الساس ان اموالهم غنيمة وقصص مجلاتهم غنيمة هههه ويا ما لسه هانشوف وبالنسبة للمجلة اللي قاللك عليها جوكر مان فهو كده كشف عن سنه وهو كده يبقى عجوز زينا زمعاصر كابتن هوك انما انت مدام ما توعاش على تان تان تبقى اقل من الاربعين هههههههه شغل عواجيز وكمان كان فيه لولو وطبوش وجدو وكلبه بس مش فاكر اسمه كلام عدى عليه اكتر من 35 سنة واكتر ولا سوبرمان ولا الوطواط وعلى فكرة اللي مقراش فالمجلات دي يبقى ما قراش حاجة خالص لانها كانت غنية جدا بالخيال وكنا بنام ونقوم نحلم بيومي الاحد والخميس علشان نروح نشتري ميكي وسمير برضة ونكمل بقى بعدين علشان ما اطولش اكتر من كده تحياتي

Michel Hanna said...

شكرا جزيلا يا أستاذ من زمان.
عارف تان تان طبعا لكن مجلته اللي كانت بتطلع لشخصيات تانية دي ما شفتش منها غير نسخة واحدة في سور الأزبكية. ميكي وسمير طبعا اتربيت عليهم، ومعاهم مسلسلات الكارتون الياباني المدبلجة.
سني موجود في البروفايل بالمناسبة :)
ولكل اللي بيحبوا الحاجات دي أنا عامل سلسلة اسمها أرض الخيال عبارة عن دراسة بسيطة لتاريخ الشخصيات الخيالية هنا:
http://www.boswtol.com/shababeek/tafaneen_104_09.html
وبتجدد كل أسبوع.

Anonymous said...

أصدقائي عشاق مجلة "تان تان"،
منذ أكثر من عقدين من الزمان، آلمنا جميعاً توقف مجلتنا الحبيبة عن الصدور!

وطوال هذه السنين، كنت أحلم دائماً بأن أجد خبراً أو إعلاناً في مكانٍ ما، يبشرني بعودة اصدار هذه المجلة التي لم تماثلها أو حتّى تقاربها أي من المجلات المصوّرة التي تصدر في عالمنا العربيّ!

ولمّا تسرب اليأس إلى قلبي، راودني السؤال التالي "لم لا أصدرها أنا؟"، بعدها بدأ سيل من الأفكار يقتحم عقلي، ..........وبدأت المحاولة!

وحيث أن المجلة كانت قد توقفت في عامها التاسع، فأنا هنا أضع بين أيديكم الأعداد الأولى من السنة العاشرة:

http://www.4shared.com/file/67723070/6803ef8d/10-01.html
http://www.4shared.com/file/68068019/8e49913f/10-02.html
http://www.4shared.com/file/69976983/ec48fc18/10-03.html
http://www.4shared.com/file/72275686/21a144e3/10-04.html



أنتظر - بأهمية بالغة - أراءكم ومقترحاتكم، لأرى إذا كان هناك من لا يزال يقدّر مثل مجهودي هذا؟

شكراً