Wednesday, December 12, 2007

القبلة حلال ولا حرام؟


قولي ولا تخشاش ملام

القبلة حلال ولا حرام؟

القبلة ان كانت للملهوف

اللي على ورد الخد يلوف

ياخدها بدل الواحدة ألوف

ولا يسمع للناس كلام

بيرم التونسي

-------------------
اللوحة: القبلة الأولى
للفنان الفرنسي وليام بوجيرو

12 comments:

دكتورة سنان said...

مش عجبانى
كان ممكن تبقى اكتر براءه وكانت هتبقى اجمل
اظن يعنى
وحتى وش البنوته مش معبر
اممممم مش عارفه
مش حباها
دكتور ميشيل ممكن سؤال بس بيلح عليا
هو حضرتك اللى بتكتب فى بص وطل؟
ليك الحريه طبعا تجاوب او لا

تحياتى

أحمــــــــدبــــــــــلال said...

بالطبع مع غناء أم كلثوم الاغنية كانت لها شكل أخر
و لكن أتساءل لما لم يهاجمه المجتمع فى حينها؟

هل لو غنت روبى او هيفاء أو أى واحدة من متعريات الفن الحديث نفس الكلمات فى وقتنا الحالى
ماذا سيكون رد فعل الجمهور ؟

موجة said...

طبعا أبيات بيرم لا غبار عليها
بس ما كنتش تلاقي صورة غير دي
حرام عليك أو عليكي
الصورة فجة
تحياتي

Michel Hanna said...

نوسة: هو فيه أكثر براءة من قبلة الأطفال؟
متهيألي دي أكثر القبلات الموجودة براءة
أيوة أنا اللي باكتب في بص وطل، وباجاوب عليكي بكل حرية أهو!
تحياتي ليكي

Michel Hanna said...

أحمد بلال: الحقيقة ما سمعتش أغنية أم كلثوم وان كنت عارف ان الكلمات دي اتغنت قبل كده
هي الأغنية اسمها إيه طيب؟
المجتمع ما هاجمش بيرم لأنه مجتمع كان بيحب وكان بيشعر بالأحاسيس دي
النهاردة المجتمع مخه ضرب

موجة: بذمتك دي صورة فجة؟
ويليام بوجيرو أعظم من رسم الجسم البشري في تاريخ الفن تقول على صوره فجة؟
وبعدين اللي في الصورة ده كيوبيد شخصيا، ودايما كيوبيد يترسم على شكل طفل عريان بجناحين.
بص عليها تاني هتلاقيها حلوة.

Rain_Drops said...

طيب ممكن نطمن أم كلثوم و نقول لها إن القبلة حسب النية ، ولا أقول لك أهم راحو هما الاتنين لربنا يبقو يستفسرو براحتهم
:d

أحمــــــــدبــــــــــلال said...

الاغنية كانت فى فيلم سلامة
كان بتاع يحيى شاهين و أم كلثوم
اللى فاكره ان المقطع المميز فى الاغنية هو
قوللى و لا تخبيش يا زين أيش تقول العين للعين؟

مروة الزارع said...

انا فعلا مع نوسة مش حاسة ببراءة فى الصورة

على فكرة انا متبعاك على بص وطل دايما

Veeeva said...

القبلة حلال

:)

Michel Hanna said...

ولا حرام؟

أشرف حمدي said...

حلاااااااال

Anonymous said...

إيه الصورة الوسخة دي؟