أنا الناقصة وأنا الميزان. أنا المسرّات المأهولة بالأسرار والذروات لا يصلها سواي. المكتملة في نقصي الكاملة في نقائصي. الكائنة داخلي المنبثقة خارجي. المتحولة أبدا الباقية أبدا. المتغيرة المتعددة المنسجمة. أنا الفوضى والترتيب اللهب والماء. أنا الأول والآخر أنا البغي المقدسة. أنا الزوجة وأنا العذراء الأم. أنا الابنة العاقر وكثَّر هم أبنائي. أنا عروس لم أتخذ زوجا واحدا. أنا نتاج حملي. أنا العريس وزوجي من أنجبني. أنا أمي أما أبي فهو من نسلي. أنا الأنا.
من رواية إيثاكا
رءوف مسعد
11 comments:
أنا مبعرفش اكتب.
أنا بكتب أي عك.
حلو المقتطف ده أوي :)
أنا مش فاهم أى حاجة م البتنجان دة.. هو الجدع اللى اسمه رؤوف مسعد دة بيتكلم عن إيه بالظبط؟ هو فاهم اللى بيكتبه ولا بيكتب وهو محشش؟ وأكتر حاجة تغيظ إن الواحد أما يقول إنه مش فاهم حاجة يطلع جاهل ومش مثقف ومش مدرك "للأبعاد الأنطولوجية الشنكحورية المتشلحفة نحو الحنجورى".. على رأى عم محمود السعدنى ربنا يطول فى عمره
ما تزعلش منى يا ميشيل، بس بجد إنت فاهم حاجة؟؟ـ
_عبد الرحمن_
الرواية دى قدامى فى كل حتة أروحها بس أنا برضه مش مقتنعة بيها و مش هشتريها...خلينى فى (عالم كلينكس) أحسن :)))
أحمد منتصر: آه حلو فعلا :)
عبد الرحمن: ده موضوع الجمع بين المتناقضات، ودي حاجة كانت منتشرة في الديانات القديمة وفي علم الخيمياء، وهتلاقي كلام كثير عن الموضوع ده لو قريت كتب عالم النفس كارل يانج
أنا قريت للكاتب كمان بيضة النعامة ومزاج التماسيح، وتفضل بيضة النعامة هي أفضل أعماله، لو عايزة تقري لرءوف مسعد اقري بيضة النعامة.
بس عالم كلينيكس أحسن طبعا :)
لما امره ان يقرأ لم يأمره أن يكتب.. القراءة هي صنو المعرفه وبدايتها. هذا المقطع من ايثاكا هو ترتيلة ايروسا الكاهنة.
سعيد انا بالنقاش والحوار
رءوف مسعد
أستاذنا الكبير رءوف مسعد:
سعيد جدا بتشريفك المكان. نورتنا بجد.
يا ترى حضرتك في مصر دلوقت ولا أمستردام؟
ولو في مصر مش بتحضر ندوات أو بتقابل قراءك على قهوة أو أي حاجة من دي بحيث نقدر نشوف حضرتك بالعين ونسلم عليك باليد ونقول لك تعيش وتبدع لنا كمان وكمان؟
يا عم ميشيل
اولا اشكرك على الاهتمام بايثاكا ونشر مقطع منها .
ثانيا انا موجود في مصر اللي بجيلها كل سنة موش عارف ليه رغم انها بتكأبنس اكثر من السنة اللي قبلها . كسلان ما بتحركش كثير وما بفنحش النيت كثير لكني استمتع بلقاء قرائي خاصة الشباب ,وغالبا التقي بليهم صدفة .
افتح ايميلي وتجد تليفوني في مصر وهو
raouf.moussad@gmail.com
Post a Comment